చిత్రప్రభ 22జూలై 2010 సంచిక లొ నే రసిన వీటిపై మీ అబిప్రాయం చెబుతారు కదూ!

Advertisements
Posted in Uncategorized | 2 Comments

My article about Catherin in YugaBharat February 2018

Image | Posted on by | Leave a comment

My article in Harivillu, ManaTelangana 28-01-2 018 నటభూషణుడు

నటభూషణుడు
హీమేన్‌గా, అందాల నటుడుగా, సోగ్గాడుగా, నటభూషణగా ఇటు ప్రేక్షకలోకం తోనూ అటు చిత్రపరిశ్రమలోనూ గుర్తింపు పొందారు శోభన్‌బాబు. అందమైన హీరో పాత్రలు, ఇద్దరు భార్యలు లేదా ఇద్దరు ప్రేయసుల మధ్య చిక్కుకుని, సర్దుకుపోయే, నలిగిపోయే పాత్రలు చేయించడానికి దర్శక నిర్మాతలు ఎక్కువ మొగ్గు చూపేవారు. అందుకు కారణం ఆ పాత్రల విషయంలో అధిక కృషి చేయడమే,

చెల్లెలి కాపురం, మల్లెపువ్వు, దేవాలయం చిత్రాలలో డిగ్లామర్ రోల్స్ చేసి ప్రేక్షకుల మెప్పు బాగా పొందారు. పాత్ర ప్రాధ్యానత గురించి దర్శక నిర్మాతలు చక్కని వివరణ ఇవ్వడంతో పాత్ర నచ్చి వీటిని అంగీకరించడం విశేషం. బి.ఎస్సీ పూర్తి చేయడానికి ముందే నాటకాల్లో నటిస్తూ, సినిమా ప్రయత్నాలు చెయ్యమని మిత్రుల ప్రోత్సాహంతో సినిమా మీద దృష్టి మళ్లింది. దానికి తోడు లా కోర్స్ చేయమని తండ్రి మద్రాసు పంపడంతో పెళ్లయిన పదిహేనో రోజునే మద్రాసు చేరుకున్నారు ఉప్పు శోభనా చలపతిరావు. సైకిల్ మీదా పదిమైళ్ల దూరంలో వున్న కాలేజీకి వెళ్లి చదువుతూనే సినిమాల్లో చేరే ప్రయాత్నాలు ముమ్మరం చేసేవారు. స్టూడియోలు, దర్శక నిర్మాతల కార్యాలయాల చుట్టూ తిరుగుతూ వేషాలకు ప్రయత్నిస్తుంటే 1959 ఫిబ్రవరిలో’ దైవబలం’ చిత్రంలో నటించే అవకాశం వచ్చింది. ఈ చిత్రంలో హీరో ఎన్.టి.ఆర్, మూడు రోజులపాటు నటించిన చిన్న పాత్రలో శోభనాచలపతిరావు కెరీర్ ప్రారంభం అయింది.

హిందీ మాస్టారుని ఎక్కువగా అభిమానించే శోభనాచలపతిరావు తమతో పాటు ఆయనను మద్రాసు తీసుకొచ్చారు. దైవబలంలో నటించిన తర్వాత ఆయన సూచనతో శోభన్‌బాబు అనే పేరు ఖాయం చేసుకున్నారు. భక్తశబరిలో ముని కుమారుడు(గౌతమ బుద్ధుడు గెటప్‌లో) గా నటించిన పాత్రకూడా చిన్నదే. తర్వాత సీతాకల్యాణంలో లక్ష్మణుడి పాత్రని అడగగానే ఎన్.టి.ఆర్ ఇవ్వడం జరిగింది. ఎన్.టి.ఆర్ ప్రోత్సాహంతోనే తరువాత వేషాలు లభించేవి. కొన్ని సమయాల్లో నిరాశకు గురి అవుతూనే, నటుడుగా పేరు తెచ్చుకున్నారు. పట్టుదలను పెంచుకుంటూ ప్రతిజ్ఞా పాలన వరకు, 18 చిత్రాలలో నటించాక ‘వీరాభిమన్యు’లో అభిమన్యుడు గా టైటిల్ రోల్ వేషంలో అవకాశం లభించింది. వి. మధుసూధనారావు దర్శకత్వంలో హేమాహేమీలు నటించిన ఈ చిత్రంలో ఉత్తరగా కాంచన నటించింది. 12-09-1965 న విడుదలై వీర, రౌద్ర, శృంగార బీభత్స రసాలను అద్భుతంగా పోషించిన నటుడుగా గుర్తింపు పొందారు. చిత్రంలో శోభన్‌బాబు కాంచనపై చిత్రీకరించిన పాటలు హిట్ కావటంతో మంచి పేరొచ్చింది. ‘లోగట్టు పెరుమాళ్లుకెరుక’లో సోలో హీరోగా అవకాశం వచ్చింది.

పొట్టి ప్లీడరు, గూఢచారి 116, శ్రీకృష్ణావతారం, ఆడపడచు, లక్ష్మీ నివాసం, మంచి మిత్రులు, నిండు హృదయాలు, బుద్ధిమంతులు చిత్రాలలో చేసిన సెకండ్ హీరో, సైడ్ హీరో పాత్రలు ప్రేక్షకుల అభిమానాన్ని చూరగొన్నాయి. కల్యాణమండపం, తాసిల్దారు గారి అమ్మాయి, మానవుడు దానవుడు, జీవన తరంగాలు, హిట్ కావడం ఆ తర్వాత మైనర్ బాబుగా, డాక్టర్ బాబుగా, ఖైదీ బాబాయిగా చక్కని నటన ప్రదర్శస్తూ అందాల నటుడుగానూ గుర్తింపు పొందారు.

ఎన్.టి.ఆర్, అక్కినేని, జగ్గయ్య, కాంతారావు, ప్రముఖుల చిత్రాల్లో సెకెండ్ హీరోగా, సైడ్ హీరోగా పలు చిత్రాలల్లో చక్కని పాత్రలతో నటింపచేసారు దర్శక నిర్మాతలు. కృష్ణ,శోభన్‌బాబు కలసి హీరోలుగా నటించిన విడుదలై విజయం సాధించిన మల్టీస్టారర్ చిత్రాలు సంఖ్యకూడ ఎక్కువే. జయసుధ, శోభన్‌బాబు కాంబినేషన్ల 31 చిత్రాలు, వాణిశ్రీతో 28 చిత్రాలు, విజయశాంతి, సుహాసిని, లక్ష్మి హీరోయిన్లుగా పన్నెండేసి చిత్రాల్లో, జయప్రదతో18 చిత్రాల్లో హీరోగా నటించారు.

ఎన్.టి.ఆర్ తీయాలనుకున్న రామాయణం చిత్రం ఆలస్యం అవుతుందని తెలిసి బాపు రమణలు శోభన్‌బాబు, చంద్రకళ, ఎస్.వి.ఆర్ లతో సంపూర్ణ రామాయణం ప్లాన్ చేసారు. అలా చేసినందుకు ఎన్.టి.ఆర్ తొలుత అసహనం వ్యక్తం చేసినా తన చిత్రం ఆలస్యం అవుతుందని గ్రహించి సర్దుకున్నారు. చంద్రకళను సీతగా నిర్ణయించినందుకు ఎస్.వి.రంగారావు కూడా తొలుత ఇష్టపడలేదు. తరువాత సీత గెటప్‌లో చంద్రకళను చూసి మురిసిపోయారు. సంపూర్ణ రామాయణం విడుదలకు ముందు రోజున ఎన్.టి.ఆర్ వద్దకు శోభన్‌బాబు వెళ్లి ఆశీర్వాదం కోరితే అభయహస్తం ఇచ్చారు. ఇస్తూ ”సినిమా గురించి ఎల్లుండి చెప్పండి బ్రదర్” అన్నాడు. సినిమా కి తొలివారమే ప్లాప్‌టాక్ రావడంతో శోభన్‌బాబు వెళ్లలేదు. ఆ తర్వాత హిట్ టాక్ వచ్చి అందరి అభిమానం చూరగొంది. ఆ విషయం తెలుసుకున్న ఎన్.టి.ఆర్ ”సంపూర్ణ రామాయణం చిత్రాన్ని చూస్తాను బ్రదర్. చాలా బాగుందట” అని చెప్పి శోభన్ బాబు స్వంత ప్రివ్యూ థియేటర్ లో సినిమా వేయుంచుకుని మరీ చూసారు.

టి.కృష్ణ దర్శకత్వంలో వై.హరికృష్ణ రూపొందించిన ‘దేవాలయం’ శోభన్‌బాబుకు మంచి పేరు తెచ్చింది. ఈ చిత్రంలో నటించమని అడగటానికి టి.కృష్ణ చాలా సందేహించారు. వై. హరికృష్ణ ముందు మాట్లాడి, తరువాత టి.కృష్ణని పదే పదే హెచ్చరిస్తే అప్పుడు వెళ్లారు. టి.కృష్ణ మాట్లాడుతూ శోభన్‌బాబు పాత్ర గురించి చెబుతే పిలకపెట్టుకోవడానికే కాదు, ఇంకా ఎలాంటి గెటప్ అయినా మీరు కావాలంటే నేను చేస్తాను. మీరు సందేహించకుండా మా బ్రదర్‌లా భావించి అడగొచ్చు అని హామీ ఇచ్చారు. శోభన్‌బాబుతో శ్రీకృష్ణ లేదా శ్రీకృష్ణభగవాన్ చిత్రం నిర్మించాలని తలచిన హరికృష్ణ దేవాలయంలో దశావతారాలు పాటని శోభన్‌బాబుతోనే చిత్రీకరించాల్సిందిగా సూచించి చేయించారు. దేవాలయంలోని పాత్రకు తన సహజ ధోరణిలో శోభన్‌బాబు డబ్బింగ్ చెప్పడం దర్శకుడికి నచ్చలేదు. ఆ విషయం చెప్పడానికి సంశయిస్తు న్నారని తెలుసుకున్న శోభన్‌బాబు” టి. కృష్ణ డబ్బింగ్ రూమ్‌కు రాకుండా కో డైరెక్టర్ ముత్యాల సుబ్బయ్య వస్తే కృష్ణకు కావలిసిన రీతిలో చెబుతాను. అది నచ్చకపోతే మళ్లీ మళ్లీ చెబుతాను” అనీ ప్రత్యామ్నాయం చూపారు. అందుకు అంగీకరించిన టి.కృష్ణ డబ్బింగ్ పూర్తయ్యాక శోభన్‌బాబుని ఎంతో అభినందించారు. సినిమా చూసిన కె.రాఘవేంద్రరావు శోభన్‌బాబు ఇలాంటి చిత్రం చేసే సాహసం చేసినందుకు టి.కృష్ణను, వై.హరికృష్ణను అభినందించడం విశేషం. నిర్మాత అభిరుచి, దర్శకుడు టాలెంటుని బట్టి ఏతరహా చిత్రమైనా శోభన్‌బాబు చేయగలనని చేసి హిట్ చేయించగలరని చెప్పడానికి చెల్లెలి కాపురం, మల్లెపూవు మానవుడు దానవుడు తదితర చిత్రాలే ఉదాహరణగా పేర్నొనవచ్చు

సాయంత్రం ఆరుగంటల తర్వాత కుటుంబసభ్యులతో తన సమయం పరిమితం చేసిన శోభన్‌బాబు, సంపూర్ణ రామయణం, దేవాలయం వంటి చిత్రాల షూటింగ్ విషయంలో ఆ నియమం పక్కకు పెట్టారు. అందాల నటుడుగా గుర్తింపు పొందిన తాను అలాగే ప్రేక్షకుల దృష్టిలో వుండాలని 58 సం॥ లనే రిటైర్‌మెంట్ ప్రకటించుకున్నారు. అయితే నిర్మాతల ఒత్తిడితో రిటైర్‌మెంట్ కొద్ది కాలం వాయిదా వేసి ఆ తర్వాత మొహమాటాలకు లొంగకుండా నట జీవితానికి హలో గురూ తో హీరోగా 1996 లో స్వస్తి చెప్పారు.

పరిచయస్తులందరితోనూ ఆదాయం నుంచి స్వగృహం ఏర్పాటు చేసుకోడానికి, భూముల కొనుగోలు చేసుకోడానికి సిద్థపడాలని తద్వారా సుఖజీవితం లభిస్తుందని సూచించేవారు. అలా ఎందరికో మార్గ దర్శి అయ్యారు. అందంగా, ఆరోగ్యంగా, హీరోగానే అభిమానుల దృష్టిలో వుండిపోవాలన్న ఆకాంక్షకు కట్టుబడి ఆ విధంగానే ఎటువంటి అనారోగ్యంపాలు కాకుండా 20-03-2008న పరమపదించారు.

Image may contain: 5 people, people smiling, people standing

Posted in Uncategorized | Leave a comment

భామనే.. సత్య భామనే…My article in Harivillu, ManaTelangana 21-01-18

My article in Harivillu, ManaTelangana 21-01-18
భామనే.. సత్యభామనే…
పొగరు వగరు కలబోసి చక్కని సౌష్ఠవంతో రూపొందిన అందాల తారగా, మంచి ఉచ్ఛారణ, పాత్రోచిత భావోద్వేగాలతో అలరించే అద్భుత నటిగా, పొగరుమోతు పాత్రలకు, వగలు చిందించే భూమికకు, కోపిష్టి పాత్రలకు సరిగ్గా సరిపోతూ ఆ పాత్రల పోషణకే పుట్టి చిత్రరంగంలోకి అడుగిడిన యువతిగా ఇటు ప్రేక్షకులు అటు వివిధ భాషా చిత్ర సీమల వారు పేర్కొనేవారు జమున గురించి. అంతే కాదు సత్యభామ అంటే ఇలాగే ఇంత అందంగా, ఇంత చక్కని సౌష్ఠవంతో, ఇంత పొగరుతో, ఇంత జాణతనంతో, అభిమానంతో, ఎవరినీ లెక్కజేయని మనస్తత్వంతో, విసురుతో వుండేదేమో అని రంగస్థల అభిమానులు, సినిమాను అభిమా నించే స్త్రీ పురుషులు, యువతీ యువకులు భావించి సత్యభామ కు పేటెంట్ హక్కు జమునదే అని నొక్కివక్కాణించే వారు. తెలుగు, తమిళ, కన్నడ, హిందీ చిత్రసీమల ప్రేక్షకులను తన అందంతో, నటనా చాతుర్యంతో, వాలుచూపులతో, కోరచూపులతో ఆకట్టుకొని మంచి గుర్తింపు పొందారు.తెలుగు కన్నడ అందాల కలబోత అయి హంపీలో జన్మించి టీనేజ్‌లోనే హంపీ సుందరి గానూ గుర్తింపు పొందారు. మాతృభాష కన్నడం అయినా దుగ్గిరాలలో పెరిగిన కారణంగా తెలుగు యువతిగానే జమున రాణించింది.

నిప్పాణి కౌసల్యాదేవి, శ్రీనివాస్‌రావు దంపతులకు 1936, ఆగష్టు 30న హంపీలో జన్మించింది. వ్యాపారరీత్యా తండ్రి జమున చిన్నతనంలో దుగ్గిరాలకు మకాం మారడంతో స్కూల్ చదువు దుగ్గిరాలలోనే సాగింది. జగ్గయ్య అక్కడ స్కూల్ టీచర్‌గా చేస్తుంటే ఆయన శిష్యురాలుగానూ కొనసాగింది. రంగస్థలానికి సంబంధించి కొంత అనుభవం జగ్గయ్య నుంచి పొందింది. కుటుంబ స్నేహితుడైన జగ్గయ్యను మావయ్యా అని పిలిచేవారు.
స్కూల్ పాటల పోటీల్లో , నాటక పోటీల్లో పాల్గొనేవారు. హార్మోనియం కూడా నేర్చుకుంది ఆ వయసులోనే. చిన్నతనంలోనే కథలు రాసేది. ‘ఢిల్లీ ఛలో’ జమున నటించిన తొలి నాటకం. పబ్లిక్ ముందు నటించిన రెండవ నాటకం మా భూమి. ఇందులో పోషించిన కమల పాత్రకు మంచి ప్రశంసలు లభించాయి. జగ్గయ్య పోత్సాహంతో గుమ్మడితో కలసి ‘ఖిల్జీ రాజ్యపతనం’ నాటకంలో నటించారు. స్కూల్లో చదివేటప్పుడు జిప్పీ డాన్సులు చేస్తూ, ప్రార్థనా గీతాలు ఆలపిస్తూ , వివిధ రకాల పాటలు పాడుతూ అందరి అభిమానం చూరగొనేవారు. దాంతో తోటి విద్యార్థినులకు కంటగింపుగా వుండేది. ఏదో రకంగా తగవు పెట్టుకుంటూంటే తను కూడ తక్కువ కానట్టు వ్యవహరించేవారు. దాంతో నిక్కికొడవలి, కోడిగుడ్డు ముఖం, చుప్పనాతి అని మారు పేర్లతో పిలుస్తుంటే బాధపడేవారు.

మౌనవ్రతం చేస్తూ యాత్ర చేస్తున్న మహాత్మాగాంధీని తెనాలిలో చూసి అభిమానం పెంచుకున్నారు. గాంధీ మరణించిన రోజున జరిగిన సంతాప సభలో తను రచించిన పాటను కలెక్టర్ ముందు ఆలపించారామె. నటన మీద అభిమానం, సినిమాల మీద మోజు పుట్టేలా చేసింది. సినిమాలు చూస్తూ ఆ చిత్రంలోని నాయికల్లా అద్దం ముందు నిలబడి డైలాగ్స్ చెబుతూ , హావభావాలు పలికించేవారు. సినీ నటుడు నారాయణముర్తి జమున ఇంటికి పాటలు నేర్పడానికి వస్తూ, సినిమా సంగతులు చెబుతూంటే మెల్లిగా ఆసక్తి పెరిగింది. రంగస్థల నటుడు డా॥ గరికిపాటి రాజారావు పినతల్లి జమున అందం, పర్సనాల్టీకి ముచ్చటపడి సినిమా తీద్దామనుకున్న రాజారావుకు సిఫారస్ చేసారు. ఈ లోగా నారాయణమూర్తి సిఫారస్‌తో బివి రామానందం జై వీరభేతాళ తీస్తూ గుమ్మడి సరసన నాయికగా ఎంపిక చేసి రూ. 500లు అడ్వాన్స్ ఇచ్చారు. స్టార్ కంబైన్స్‌లో నటన ప్రారంభమైంది. కానీ బి.వి.రామానందం మృతితో ఆ సినిమా ఆగిపోయింది. దుగ్గిరాల చేరుకున్న అయిదో రోజున కబురొస్తే మద్రాసు తిరిగి వెళ్లి గరికపాటి రాజారావు స్వీయ దర్శకత్వంలో హీరోగా నటిస్తూ నిర్మించే పుట్టిల్లులో నాయిక సుశీలగా ఎంపిక చేసారు. అలా జమున సినీ జీవితం ప్రారంభమైంది. ఆంధ్రా నర్గీస్ అనే గుర్తింపు వచ్చింది 1953లోనే. ద్వితీయ చిత్రం హెచ్. ఎం. రెడ్డి దర్శకత్వంలో ద్విభాషా చిత్రంగా తెలుగు తమిళ భాషల్లో ‘వద్దంటే డబ్బు’ రూపొందింది. ఇందులో ద్వితీయ కథానాయిక. ఈ రెండు చిత్రాలు హిట్ కాకపోవడంతో అన్‌లక్కీగాళ్ అనే ముద్ర వేసేసారు. తృతీయ చిత్రంగా సారధివారి ‘అంతా మనవాళ్లే’ విడుదలై విజయం సాధించడంతో, ఆ తర్వాత మాగోపి, మిస్సమ్మ చిత్రాలు కూడా చక్కగా హిట్ కావడంతో లక్కీగాళ్ అయింది జమున.

పాత్రను అవగాహన చేసుకుని చక్కగా నటించాలనే జిజ్ఞాసతో పదేపదే ప్రశ్నలు వేయడం , ఒక్కోసారి ఏదో కారణంతో షూటింగ్ స్పాట్‌కి ఆలస్యంగా చేరటం, సీరియస్‌గా, రిజర్వుడ్‌గా వుండటం వంటి కారణాలతో జమునకు పొగరు, ఎవరినీ లెక్కచేయదు వంటి వదంతులు వ్యాపించాయి. కొంత కాలం తర్వాత ఇవి పెరిగి, అక్కినేని, ఎన్.టి.ఆర్ ఆమెతో నటించమనడంతో ఒకరకంగా మూడేళ్ల పాటు వాళ్ల చిత్రాల్లో నిషేధానికి గురయ్యారు.

ఆ సమయంలో హరనాథ్, జగ్గయ్య, కాంతారావు, రమణమూర్తి ప్రభృతులతో నటించిన చిత్రాలు వరసగా హిట్ కావడం జరిగింది. ఆమె అందానికి నటనకు పేరు ప్రతిష్ఠలు పెరిగాయి. చక్కని నటిని మిస్ చేసుకోడం ఇష్టంలేని నాగిరెడ్డి చక్రపాణి కలుగ చేసుకుని రాజీ కుదిర్చారు. గుండమ్మకథ, గులేబకావళి కథ, పూజాఫలం చిత్రాలు ఘన విజయంతో స్పర్థలు తొలగిపోయాయి. ఎన్.టి.రామారావు, అక్కినేని నాగేశ్వరరావు, హరనాథ్, జగ్గయ్య, కాంతారావు, కృష్ణ ప్రభృతులతో జమునతో చిత్రీకరించిన అనేక యుగళగీతాలు, ఆమెపై చిత్రీకరించిన అనేక సోలో గీతాలు మధురానుభూతులను మిగులుస్తూ వుంటాయి.

ఇల్లరికం, మంగమ్మ శపధం, లేతమనసులు చిత్రాల్లోని పొగరుమోతుదనం మూర్తీభవించిన పాత్రల్లో, అప్పుచేసిపప్పుకూడులో మూగదానిగా, గుండమ్మకథలో గారాలకుట్టిగా, పొగరు వగరు గల యువతిగా , వినాయక చవితి, శ్రీకృష్ణ తులాభారం, శ్రీకృష్ణ విజయం చిత్రాల్లో సత్యభామగా, మూగమనసులో చిలిపిదనం, పల్లెటూరుదనం కలబోసిన గౌరిగా, పండంటి కాపురంలో రాణి మాలినీ దేవిగా, ముద్దుబిడ్డలో బిడ్డకోసం తాపత్రయపడే తల్లిగా, ఉండమ్మాబొట్టు పెడతాలో లక్ష్మిగా.. ఇలా ఎన్నో చిత్రాల్లో చూపిన అభినయం ఎవర్‌గ్రీన్. చిరంజీవులు, నాదీ ఆడజన్మే, ఏకవీర, పదండిముందుకు, రాముడు భీముడు, అమాయకుడు, కీలు బొమ్మలు, సిఐడి, పూలరంగడు, సీతాకల్యాణం, యశోదకృష్ణ, కలెక్టర్ జానకి, దేవుడు చేసిన మనుషులు, చదరంగం, దొరికితే దొంగలు, తాసిల్దారు గారి అమ్మాయి ఇలా ఎన్నో చిత్రాల్లో చక్కని అభినయం చూపారు జమున.
రాజమండ్రి నుంచి కాంగ్రెస్ పార్టీ తరపున ఎం.పి గా గెలిచి ప్రజానటినే అనిపించుకున్నారు. సినీ నటిగానే కాక రంగస్థల నటిగానూ ప్రదర్శనలతో మెప్పు పొందారు. వృత్తి కళాకరుల సమాఖ్య ఏర్పాటు చేసి, వారి సంక్షేమానికి కృషి చేసారు. 16 ఎం.ఎం. చిత్రాల ప్రదర్శన నిషేధించడంలో కీలక పాత్ర పోషించారు. నాటక అకాడెమీ అధ్యక్షురాలిగా ఎనలేని సేవలు అందించారు. వాజ్‌పేయి ప్రభుత్వం కూలిపోయినప్పుడు, బి.జె.పి లో చేరి ప్రచారం చేశారు. ఇప్పటికీ సేవాపధంలో రాణిస్తూ , సభల్లో పాల్గొంటూ మెరుస్తుండటం విశేషం.

Image may contain: 3 people, people smiling, people sitting

Posted in Uncategorized | Leave a comment

కృషీవలు డు కెకాల My article in Harivillu ManaTelangana 14-01-2018

My article in Harivillu ManaTelangana 14-01-2018
కృషీవలుడు కెకాల
నవరస నటనా సార్వభౌమ అని అందరి మెప్పు పొందుతూ వుండటానికి, నా నటవారసుడువి నువ్వే అని నట సార్వభౌమ ఎస్.వి.రంగారావుతో అనిపించుకోడానికి నటజీవితంలో సత్యనారాయణ పడిన కష్టాలు, ఎదుర్కొన్న ఇబ్బందులు, భరించిన అవమానాలు ఎన్నో ఎన్నెన్నో. హీరోగా ప్రవేశించి ఆ చిత్ర పరాజయంతో వేదన చెంది ఎన్.టి.రామారావు సిఫారసుతో ఎన్.టి.ఆర్‌కి డూప్‌గా నటించారు. అలా కొనసాగుతూ విఠలాచార్య సూచనతో విలన్ పాత్రలు పోషించడానికి సిద్ధపడి, క్రమక్రమంగా నటనలో రాటుదేలారు. సాధారణ విలన్ నుంచి ప్రేక్షకులతో బండబూతులు తిట్టించునే భయంకర విలన్‌గా, కామెడీ విలన్‌గా, క్యారెక్టర్ ఆర్టిస్టుగా, హాస్యరసం , అమాయకత్వం చిందించే గుణ చిత్రనటుడుగా, యముడుగా ఇలా విభిన్న
పాత్రల పోషణలో తనకు తనే సాటి అనిపించుకుంటున్నారు.

కృష్ణా జిల్లాలోని కౌతరం గ్రామంలో వ్యవసాయ కుటుంబీకులైన కైకాల లక్ష్మీనారాయణ దంపతులకు 2571935 న జన్మించారు. గుడివాడలో బి.ఎ పూర్తిచేసారు. రంగస్థలంపై నటిస్తుంటే ఎన్.టి.రామారావు పోలికలు కనిపించి ఎన్.టి.ఆర్ తమ్ముడేమో అనుకునేవారు. ప్రభావతి నాట్యమండలి ఇచ్చిన ప్రోత్సాహంతో నాటకాలరాయుడు అయ్యారు. చిత్ర రంగానికి చెందిన కె.ఎల్. ధర్ సలహాతో చిత్రరంగంలో నిలదొక్కుకోవాలని మద్రాసు చేరారు 1955లో. ఎం.ఎల్.ఎ, భూకైలాస్ తదితర చిత్రాలలో వచ్చిన మంచి వేషాలు వెనక్కిపోయాయి. నిర్మాతల కార్యాలయాల చుట్టూ తిరిగేవారు ఆశతో. తీసుకొచ్చిన డబ్బులు అయిపోవడంతో, వేషం వేయకుండా ఇంటికెళ్లడానికి మనసు ఒప్పుకోకపోవడంతో భుక్తి కోసం ‘అంతులేని అంతస్థులు’ నాటకాన్ని రేడియోకి రాసి ప్రదర్శిస్తే కొంత ఊరట లభించింది.

పర్సనాల్టీ బాగుందని మెచ్చుకుంటున్నా వేషాలు ఇవ్వడం లేదన్న జ్ఞానోదయం కలిగి అసిస్టెంట్ డైరెక్టర్‌గా ఛాన్స్ ఇమ్మని బి.ఎ.సుబ్బరావుని కలిసారు. ఆయన కె.వి.రెడ్డికి సూచించారు. సంక్రాంతి పండుగకు ఇంటికెళ్లి వచ్చేసరికి ఆ ఛాన్స్ మిస్సయింది. చిన్న వేషం వుందని తెలిసి నిర్మాత డి.ఎల్.నారాయణని కలిస్తే ”నీకు చిన్న వేషమేమిటి నువ్వే హీరోవి” అంటూ సిపాయి కూతురు చిత్రానికి హీరోని చేసారు. ఎన్.టి.ఆర్ పోలికలు, పర్సనాల్టీ ఉన్న హీరో అని ఆ సినిమా ప్రారంభ సమయానికి అందరికి తెలిసి ఎన్.టి.ఆర్ తో సహా అందరికీ సత్యనారాయణని చూడాలనే ఉత్సుకత ఎక్కువైంది. డి.ఎల్.నారాయణతో కుదుర్చుకున్న ఒప్పందం కారణంగా ఇతర నిర్మాతలు హీరో ఛాన్స్ ఇస్తామంటే ‘నో ‘అనాల్సి వచ్చింది. సిపాయి కూతురు విడుదలై పరాజయం చెందడంతో ఆయనతో సినిమాలు తీయాలనుకునేవారు జారుకున్నారు. ఎన్.టి.రామారావు పిలిపించుకుని తనకు డూప్‌గా నటించే అవకాశాలు కల్పించడంతో కొంత ఊరట లభించింది. కొన్ని చేసాక తన నిర్మాతలకు సత్యనారాయణను ఎన్.టి.ఆర్ సూచించడంతో ఒక మాదిరి వేషాలు లభించసాగాయి.

విఠలాచార్య సలహా పాటించి విలన్ వేషాలకు మొగ్గు చూపడంతో ఆయన ‘కనకదుర్గ పూజ మహిమ’లో విలన్‌ని చేసారు. తరువాత అగ్గిపిడుగులోను విలన్ గా నటించారు. నటన తెలియని వాళ్లు, డైలాగ్ చెప్పలేని వాళ్లు వస్తున్నారు అని ఎస్.వి.రంగారావు తనతో నటిస్తున్న సత్యనారాయణని చూసి వెక్కిరింపుగా అనడంతో సత్యనారాయణలో కసి పెరిగింది.

కఠోర పరిశ్రమ చేస్తూ విలన్లకే విలన్ అయ్యారు. ఎస్.వి.
రంగారావు మెప్పు పొందడమే కాక ” డైలాగ్ డెలివరీలో ముఖ్యంగా పౌరాణిక చిత్రాల్లో నా మాడ్యులేషన్ తరహా చూపిస్తే తిరుగుండదు … నా నటవారసుడివి అవుతావు ” అని ఆశీర్వదించేలా చేసుకున్నారు. అందరూదొంగలే చిత్రంలో ఎస్.వి.ఆర్ తో 1972 లో పోటిపడి నటించి అ తరువాత ”దేవుడుచేసినమనుషులు చిత్రంలో అద్భుతనటన ప్రదర్శించావు ” అని ఎస్.వి.రంగరావు నుంచి మళ్లీ ప్రశంసలు పొందారు. తాయారమ్మ బంగారయ్య చిత్ర శతదినోత్సవ సభలో శివాజీ గణేశన్ మాట్లాడుతూ ”సత్యనారాయణ ఈజ్ సత్యనారాయణ ప్లస్ ఎస్.వి.ఆర్” అని అభినందించారు.

సోదరుడు నాగేశ్వరావుతో కలసి రమా ఫిలింస్ నిర్మాణ సంస్థ నెలకొల్పి, గజదొంగ,ఇద్దరు దొంగలు, కొదమసింహం, బంగారుకుటుంబం మున్నగు చిత్రాలు నిర్మించారు. మామఅల్లుళ్ల సవాల్, చిరంజీవి చిత్రాలకు సహ నిర్మాతగాను వ్యవహరించారు.

నర్తనశాలలో దుశ్శాసనుడిగా, పాండవవన వాసంలో ఘటోత్కచునిగా, శ్రీకృష్ణ పాండవీయంలో రుక్మిగా, శ్రీకృష్ణార్జున యుద్ధంలో కర్ణుడుగా , శ్రీకృష్ణావతారం, కురుక్షేత్రం చిత్రాలలో దుర్యోధనుడిగా, దానవీరశూరకర్ణ లో భీముడిగా, సీతారామ వనవాసం, సీతాకల్యాణం, సీతాస్వయంవరం, శ్రీరామవన వాసంలలో రావణ బ్రహ్మగా అపూర్వమైన నటన ప్రదర్శించారు.

సోషల్ ఫాంటసీ చిత్రాలైన యమలీల, యముడికి మొగుడు, యమలీల చిత్రాలలో యమధర్మరాజుగా మెప్పించారు. చారిత్రక చిత్రాలైన కథనాయిక మొల్లలో శ్రీకృష్ణదేవారాయలుగా, చాణిక్యచంద్ర గుప్తలో రాక్షసామాత్యునిగా , సమ్రాట్ అశోక్‌లో ఉజ్జయిని మహారాజుగా , శ్రీనాధ కవిసార్వభౌమలో డుండిమభట్టుగా ప్రశంసలు పొందారు. బొబ్బిలి బ్రహ్మన్న, అగ్నిపర్వతం చిత్రాలలో చూపిన హాస్యం చెప్పుకోదగ్గదే.
సింహాసనం చిత్రంలో ఆచార్య అపంగ దేవుడుగా, ఉక్కుపిడుగు, దేవుడిచ్చిన భర్త, సుగుణసుందరికథ, లక్ష్మీ కటాక్షం, మదన కామరాజు కథ, రాజకోట రహస్యం తదితర జానపద చిత్రాలలో చక్కని నటన ప్రదర్శించారు. సిపాయి చిన్నయ్య, బంగారు కలలు, ఉమ్మడి కుటుంబం, ప్రేమనగర్, మొరటోడు, శారద, తాతామనవడు, సిరిసిరిమువ్వ, మామా అల్లుళ్ల సవాల్, శ్రీరంగ
నీతులు, బొబ్బిలిపులి, సర్దార్ పాపారాయుడు, నా దేశం, కొండ
వీటిసింహం, అడవిరాముడు, అన్వేషణ, శ్రుతిలయలు, సూత్ర
ధారులు, మయూరి, సీతా రత్నంగారి అబ్బాయి, బొబ్బిలి రాజా, ఘరానా మొగుడు , మనుషులంతా ఒక్కటే, జగత్ కిలాడీలు, జగత్ జెంత్రీలు, పెదరాయుడు, పెళ్ళి సందడి, శుభాకాంక్షలు, బావగారూ బాగున్నారా, మురారి, నరసింహుడు, అరుంధతి ఇలా ఎన్నో సాంఘిక చిత్రాలలో అద్భుతమైన నటన చూపారు.

సుమారు 780 చిత్రాలలో నటించిన సత్యనారాయణకు హీరోగా రాణించలేక పోయానే అనే బాధ అప్పుడప్పుడు కలుగుతుంది. ”హీరోగా కొనసాగివుంటే డైటింగ్ పేరుతో తిండి తిప్పలకు మొహం వాచి పోయేవాణ్ణి. సుష్టుగా తినడంలో వుండే ఆనందం పొందలేకపోయేవాణ్ణి. ఇలా విభిన్న పాత్రలు పోషించే అవకాశం దొరకక రొటీన్ హీరో పాత్రలకే పరిమితమవ్వాల్సి వచ్చేదికదా అని కూడా అనిపిస్తుంది” అంటారు సత్యనారాయణ.

Image may contain: 4 people, including Nageswara Rao YK, people smiling, text

Posted in Uncategorized | Leave a comment

Anu Immaneyel articke in Yugabharat Jan.2018

Image | Posted on by | Leave a comment

2017 year review on movies

Image | Posted on by | Leave a comment

My article in Harivillu ManaTelanga 10-12-17

My article in Harivillu ManaTelanga 10-12-17

Telugu-old-heros

తెలంగాణ తొలి కథానాయకుడు కత్తి కాంతారావు

జానపద కథా నాయకుడుగా, కత్తి వీరుడుగా, వెండితెర నారదుడిగా ఎనలేని గుర్తింపు పొందిన అగ్రహీరో కాంతారావు. తెలుగుసినిమాలలో ఆ రోజులలో ఎన్టీరామారావు, నాగేశ్వరరావు తర్వాత చెప్పుకోదగ్గ ఫాన్ ఫాలోయింగ్ ఉన్న నటుడు కాంతారావు. ఖమ్మంజిల్లా కోదాడ సమీపంలోని గుడిబండ గ్రామంలో జన్మించారు. చిన్నప్పటి నుంచే నాటకాల పిచ్చి ఉండేది. మైనార్టీ తీరకుండానే వారసత్చంగా వచ్చిన మాలీపటేల్ (గ్రామ మున్సబు)వుద్యోగం వచ్చింది. అది చేస్తూనే నాటకాల్లో నటిస్తూ వుండేవారు. హెచ్.ఎం.రెడ్డి నిర్దోషి చిత్రంలో తొలిసారి కెమెరా ముందుకు చేరిన కాంతారావు నిర్దోషి చిత్రంలో చిన్న పాత్ర పోషించి, పత్రిజ్ఞ సినిమాలో హీరోగా మారి జానపద కథానాయకుడిగా ఎంట్రీ ఇచ్చారు. కాంతారావును ఎన్‌టిఆర్ సోదరుడుగా, ఆప్తుడుగా భావించి ఆదరించారు. తనునటించే చిత్రాల్లోనేకాదు తెలిసున్న దర్శక నిర్మాతల చిత్రాల్లో కూడా అవకాశాలు కల్పించేవారు. ఆ విధంగా ఆయనకు అనేక అద్భుతమైన సినిమాలలో నటించే అవకాశం లభించింది. ఆ రోజులలో యమబిజీ ఆర్టిస్టుగా కాంతారావు గుర్తింపు పొందారు. ఎన్టీరామారావు తర్వాత రాముడిగా, కృష్ణుడిగా నటించి ప్రేక్షకాదరణ పొందారు. తర్వాత నిర్మాతగా మారి సప్తస్వరాలు సినిమా తీసి నష్టపోయారు. ఆ తర్వాత గండరగండడు సినిమా తీసి మంచి హిట్ కొట్టారు. అదే బేనర్‌పై తీసిన ప్రేమ జీవులు, గుండెలు తీసిన మొనగాడు సినిమాలు వరసగా ఫట్ మనడంతో ఇల్లూవాకిలి అమ్మి రోడ్డునపడ్డారు. చివరాఖరి ఆశగా వాణిశ్రీ సలహాపై తీసిన స్వాతిచినుకులు సినిమా కోలుకోలేని దెబ్బతీయడంతో కాంతారావు పూర్తిగా చితికిపోయారు. టివి సీరియల్స్‌లో అతి తక్కువ పారితోషకంతో నటిస్తూ చిన్న ఇంట్లో అనేక కష్టాలు భరించారు. జీవితంలో సుఖాల కంటే కష్టాలు, భయాలే ఎక్కువ అనుభవించిన నష్టజాతకుడు కాంతారావు.

ఆర్‌నాగేశ్వరరావు’ దెబ్బ గొల్కొండ అబ్బా ‘
దొంగరాముడు సినిమాలో బాబులు గాడి పాత్ర పోషించిన అందమైన విలన్ అనిపించిన నటుడు ఆర్. నాగేశ్వరరావు. చక్కని మేనరిజం, డిగ్నిఫైడ్ బిహేవియర్‌తో ఆరడుగుల బుల్లెట్‌గా అందరి అభిమానాన్ని సంపాదించిన వాడు ఆర్. నాగేశ్వరరావు! క్లాస్‌ను, మాస్‌ను ఒకేలా అదరగొట్టిన ఈయన అసలుపేరు రాజనాల నాగేశ్వరరావు. అలీఘడ్ యూనివర్సిటీలో చదివి హైదరాబాద్‌లో పూర్ణా అండ్ ప్రీమియర్ డిస్ట్రిబ్యూషన్ సంస్థలో మేనేజర్‌గా, తర్వాత సికింద్రాబాద్ పేరామౌంట్ థియేటర్ జనరల్ మేనేజర్‌గా పనిచేసిన ఆర్ నాగేశ్వరరావు ఉద్యోగ జీవితం బోర్ కొట్టి విజయా వారి సినిమాలు పంపిణీ చేసే ప్రీమియర్ పంపిణీ సంస్థలో చేరాడు. షావుకారు చిత్రం పంపిణీ గురించి మద్రాసు షూటింగ్ స్పాట్‌కి వెడితే దర్శకుడు ఎల్.వి.ప్రసాద్ నటుడుగా ప్రయత్నం చేయమన్నారు. తరువాత సి.పుల్లయ్య దృష్టిలో పడటంతో సంక్రాంతి సినిమాలో పాపారావుగా నటించాడు. వెంటనే రాజుపేదలో అవకాశం వచ్చింది. నాటకానుభవం లేకున్నా, నటనలో శిక్షణ లేకున్న సహజ నటనతో కట్టిపడేసేవారు. రింగ్ రింగులుగా పొగ వదులుతూ ప్రత్యేక పద్ధతిలో సిగరెట్ కాల్చేవారు. అనేక స్పెషాలిటీలు ఉన్న ఆర్ నాగేశ్వరరావు 33వ ఏట క్యాన్సర్‌తో మృతిచెందారు. ఆయన పార్దివ శరీరాన్ని చూడడానికి తెలుగు, తమిళ సినీ ప్రముఖులేకాదు హిందీ సినీరంగానికి చెందిన దిలీప్‌కుమార్, సి.రామచంద్ర ప్రభృతులు రావడం వలన ఆయన తడాఖా ఏపాటిదో అర్థం చేసుకోవచ్చు.

ప్రతిభావంతుడు ప్రభాకర్‌రెడ్డి

చక్కని కుటుంబ కథా చిత్రాలకు, వెటకారపు రాజకీయ వ్యంగ్య చిత్రాలకు ఒకేస్థాయిలో కథ అందించిన అభిరుచిగల రచయిత, దర్శక నిర్మాత ప్రభాకర్‌రెడ్డి. చిన్నతనం నుంచి రంగస్థల నటుడుగా, బుర్రకథలు చెప్పేవానిగా పేరు తెచ్చుకున్నా చదువు నిర్లక్షం చేయక ఉస్మానియా మెడికల్ కాలేజీ నుంచి ఎంబిబిఎస్ పూర్తి చేశారు. హౌస్ సర్జన్ చేస్తుండగా ‘చివరికి మిగిలేది’ సినిమాలో సైకియాట్రిస్ట్ పాత్ర పోషించి, తెలుగు చిత్ర సీమకు గుత్తా రామినీడు ద్వారా పరిచయం అయ్యారు. నల్లగొండ జిల్లా తుంగతుర్తి గ్రామంలో జన్మించిన ప్రభాకర్‌రెడ్డికి పౌరాణిక, జానపద, సాంఘిక, చారిత్రక చిత్రాల్లోని పాత్రలు పోషించడానికి అనువైన పర్సనాల్టీ వుండేది. 27 సినిమాలకు నిర్మాతగా, 21 చిత్రాలకు కథారచయితగా వ్యవహరించిన ప్రభాకర్‌రెడ్డి 472 చిత్రాలలో వివిధ పాత్రలు పోషించారు. గాంధీ పుట్టిన దేశం, పండంటి కాపురం, కార్తీక దీపం, గృహ ప్రవేశం, కుంకుమతిలకం చిత్రాలకు కథారచయితగా, నిర్మాతగా, నాకు స్వాతంత్య్రం వచ్చింది, ప్రతిభావంతుడు, ప్రచండ భారతం తదితర చిత్రాలకు నిర్మాతగా వ్యవహరించారు. గండిపేట రహస్యం, ప్రచండ భారతం చిత్రాలకు దర్శకత్వం వహించిన ప్రభాకర్‌రెడ్డి హిందీ చిత్రాలలో కూడా నటించారు.

విలన్ త్యాగరాజు

విలన్ త్యాగరాజు విచిత్రమైన బాడీ లాంగ్వేజ్, మేన రిజం కలిగిన డిఫరెంట్ నటుడు త్యాగరాజు. వరంగల్‌లో పుట్టిన త్యాగరాజు ఎన్.టి.ఆర్ హీరోగా రూపొందిన ‘మంచి మనిషి’ సినిమాలో నటించి మంచి గుర్తింపు పొందాడు. వివిధ సినిమాలలో నటించినా ఆయనకు పాపకోసం సినిమా పెద్ద పేరు తెచ్చిపెట్టింది. రంగుల రాట్నంలో నడిరేయి ఏజాములో పాటలో నటించిన త్యాగరాజు షిర్డీసాయి మహత్యం సినిమాలో సాయి శరణం బాబా శరణు శరణం పాటలో నటించి తెలుగు వారికందరికీ గొప్పగా గుర్తుండిపోయాడు.

రియల్ స్టార్
వాచకంలో వైవిధ్యం, తెలంగాణా యాస మాట్లాడడంలో మంచి గ్రిప్, డిఫరెంట్ ఫ్లోతోపాటు కారక్టర్‌తో ఎడతెగని ఇన్వాల్వ్‌మెంట్ ఉన్న అరుదైన నటుడు, రియల్‌స్టార్ శ్రీహరి. డిఫరెంట్ స్టయిల్‌లో ఫైట్స్ చేసి వెండితెరపై తనదైన ముద్ర వేసిన శ్రీహరి మంచి విలన్‌గా, మనసున్న సహాయ నటుడుగా, క్యారెక్టర్ ఆర్టిస్ట్‌గా రాణించినవాడు, సామాజిక సేవలో మమేకమై తన రూటే సపరేటు అనిపించుకున్నవాడు శ్రీహరి. హైదరాబాద్‌లోని బాలానగర్‌లో చిన్నరేకులషెడ్డులో అతి సామాన్య జీవితం గడిపిన శ్రీహరి జిమ్నాస్టిక్ నేర్చుకుని రాష్ట్రస్థాయి, జాతీయస్థాయి పోటీల్లో పతకాలు సాధించారు. స్పోర్ట్స్ కోటాలో ఉద్యోగం వస్తే మరింత ఉన్నత్యోద్యోగి అవ్వాలని పోలీస్ సబ్ ఇన్‌స్పెక్టర్, రైల్వే ఉద్యోగాలను వదులుకున్నారు. ఒడ్డూ పొడుగు, కండలు తిరిగిన శరీరం గల శ్రీహరి సాంబయ్య, దేవా, అయోధ్య రామయ్య, భద్రాచలం చిత్రాలలో డిఫరెంట్ హీరోగా, యాక్షన్ హీరోగా వెలిగిపోయారు. నువ్వొస్తానంటే నేనొద్దంటానా సినిమాలో త్రిషకు అన్నగా మహానంది సినిమాలో అనుష్క అన్నగా, ఢీలో జెనీలియా అన్నగా నటించి ప్రేక్షకుల అభిమానాన్ని దోచుకున్నారు. మంచి గుర్తింపు తెచ్చుకున్నారు సంభాషలు పలకడంలో. తెలంగాణ యాసలో మాట్లాడటంలో ఒక ప్రత్యేక శైలి ఏర్పరచుకున్నారు. హీరోగా చేస్తూనే విలన్‌గా, కేరక్టర్ ఆర్టిస్టుగానూ కొనసాగారు. మేడ్చల్ నాలుగు గ్రామాలు దత్తత తీసుకుని అభివృద్ధి చేశారు. మగధీరలో షేర్‌ఖాన్‌గా ప్రత్యేక గుర్తింపు తెచ్చుకున్న శ్రీహరి 2013 అక్టోబర్ 9న ముంబైలో కాలేయ సమస్యతో మృతిచెందారు.

టాకీ పులిగా గుర్తింపు పొందిన హెచ్.ఎం.రెడ్డి. తెలుగులో బొంబాయిలో తొలిసారి రూపొందించిన టాకీ చిత్రం భక్త ప్రహ్లాదకు చందాల కేశవదాసు రాసిన మూడు పాటలు, ధర్మవరం రామకృష్ణ మాచార్య రాసిన ఒకటవ పాటను కూడా ఉపయోగించారు. 1931లో విడుదలైన తొలి తెలుగు టాకీ చిత్రం ఈ భక్తప్రహ్లాద.
ఖమ్మ ం జిల్లా జక్కపల్లి గ్రామంలో చందాల పాపమ్మ, లక్ష్మీనారాయణ దంపతులకు కేశవదాసు 1875 జూన్ 20న జన్మిం చారు. హరి కథా భాగవతారుగా, అష్టావధానిగా, కవిగా గుర్తింపు తెచ్చుకు న్నారు. అమిత ప్రజాదరణ పొందిన కనకధార నాటక రచయిత కూడా ఈ యన. ఆ రోజుల్లో ధర్మవరం రామకృష్ణమాచార్య రాసిన ప్రహ్లాద, ముత్తరాజు సుబ్బా రావు రాసిన శ్రీకృష్ణ తులాభారం నాటకాలు ప్రేక్షకాదరణ కారణంగా వివిధ చోట్ల ప్రదర్శితమయ్యేవి. వీటిని తరువాత సినిమాలుగా రూపొందించారు.

మూకీ టాకీలలోనూమనమే ముందు

* సినిమా నిర్మాణం ఓం ప్రథమంగా ఆరంభమైన రోజులలో బొంబాయి, కలకత్తా, కొల్హాపూర్, మద్రాసు నగరాలతో సరిసమానంగా హైదరాబాద్‌లో 1922వ సంవత్సరం చివర్లో మూకీ చిత్రాల నిర్మాణం ప్రారంభమైంది.

* నిజాం మీర్ ఉస్మాన్ అలీఖాన్ కలకత్తాకి చెందిన ధీరేంద్రనాద్ గంగూలిని ఆహ్వానించి ఆర్ట్స్ కాలేజి ప్రిన్సిపాల్‌గా నియమించారు. మీర్ ఉస్మాన్ అలీఖాన్‌కు సన్నిహితుడు అయ్యారు. ఆయనకు సినిమాల మీద ఆసక్తి ఉందని తెలియడంతో నిజామ్ తన సహకారం అందించారు. లోటస్ ఫిలిం కంపెనీని ఏర్పరిచి మూకీ చిత్రాలు నిర్మించారు. ఇండో బ్రిటిష్ ఫిలిం కంపెనీ, బ్రిటిష్ డొమినియన్ ఫిలింస్ అనే ఫిలిం కంపెనీలను, రెండు థియేటర్లను నడిపించారు ధీరేంద్ర నాథ్ గంగూలి. లేడీ టీచర్, ఇంద్రజిత్, హరగౌరి, చింతామణి,స్టెప్ మదర్,యాయాతి,మేరేజ్ టానిక్, మూకీచిత్రాలను (సైలెంట్ మూవీలు)రూపొందించారు.

బొంబాయిలో తయారైన రజియాబేగం (ముస్లిం యువరాణి హిందూ యువకుని ప్రేమలో పడే ఇతివృత్తంలో) చిత్రానికి డిస్ట్రిబ్యూటర్‌గా వ్యవహరించి 1924లోహైదరాబాద్‌లో ప్రదర్శించారు. ఈ చిత్రం చూసిన ఫ్యూడలిస్టులు, ముస్లింలు ఆయనపై నిజాంకు తీవ్రంగా ఫిర్యాదు చేశారు. ఆగ్రహించిన నిజాం ఆ చిత్రాని చాలాచోట్ల నిషేధించి రాత్రికి రాత్రి హైదరాబాద్ వదిలి వెళ్లిపొమ్మని ధిరేన్ బాబుని ఆదేశించారు.ధీరేంద్రనాథ్ గంగూలి హైదరాబాద్ వదిలివేయడంతో చిత నిర్మాణంలో స్తబ్దత ఏర్పడింది.
* సికింద్రాబాద్‌లోని మహావీర్ ఫొటోఫ్లేస్ సంస్థ 1929లో చిత్ర నిర్మాణానికి శ్రీకారం చుట్టింది. రాజా ధర్మ, ఐడియల్ వుమెన్ ఇలా ఏడుసైలెంట్ చిత్రాలను నిర్మించి విడుదల చేసింది. ఆ స్ఫూర్తితో హైదరాబాద్‌లో నేషనల్ ఫిలిం కపెనీని ఏర్పరిచారు. 1931, 1932 సంవత్సరాల్లో వీరు మూడు మూకీ చిత్రాలు నిర్మించారు. ఆ తర్వాత సారథి స్టూడియోస్ నిర్మాణం పూర్తయ్యే వరకు హైదరాబాద్‌లో చిత్ర నిర్మాణం జరగక గ్యాప్ వచ్చింది.
* బొంబాయిలో టాకీ చిత్రాల నిర్మాణం ప్రారంభమైన సమయంలోనే హెచ్.ఎం.రెడ్డి తెలుగులో నిర్మించిన భక్త ప్రహ్లాద (1931) చిత్రానికి మూడు పాటలను చందాల కేశవదాసు రచించాడు. ఈయన ఖమ్మం జిల్లా జక్కేపల్లి గ్రామానికి చెందిన వాడు.చందాల కేశవదాసు తెలంగాణకు చెందిన తొలి పాటల రచయత. ఆ తరువాత దాశరథి,సి.నారాయణ రెడ్డిలను పాటల రచయతలుగా ఇంచుమించు ఒకే సమయంలో తెలుగు చిత్రపరిశ్రమ ఆహ్వానించింది.

చిత్రపరిశ్రమలో తెలంగాణ బిడ్డలు :

* అక్టోబర్ 1950లో కాంతారావు మద్రాసు చేరాడు. తెలంగాణ కి చెందిన టి.కృష్ణ (తరువాత కాలంలో దర్శకుడు,ఎడిటర్ గా
రాణించిన)సహాయ దర్శకుడుగా నిర్దోషికి పనిచేస్తూ చేసిన హెచ్.ఎం.రెడ్డికి పరిచయమయ్యాడు. నిర్దోషి1951 చిత్రంలో నటించాడు. ఆ తర్వాత పత్రిజ్ఞ సినిమాలో హీరోగా నటించి జానపద కథానాయకుడుగా కూడా మంచి గుర్తింపు పొందారు.
* హైదరాబాద్‌లోని పూర్ణా అండ్ ప్రీమియర్ డిస్ట్రిబ్యూషన్ సంస్థ మేనేజర్‌గా పనిచేసే ఆర్.నాగేశ్వరరావును మద్రాసులో చూసిన సి.పుల్లయ్య సంక్రాంతి (1952) చిత్రంలో పాపారావుగా నటింపజేశారు. తర్వాత విలన్‌గా మంచి ప్రాచుర్యం పొందారు.
* నటుడుగా కెరీర్ ప్రారంభించిన నల్గొండ జిల్లా తుంగతుర్తి నివాసి ప్రభాకర్‌రెడ్డి విలన్‌గా, దర్శక, నిర్మాతగా, రచయితగా పేరు తెచ్చుకున్నాడు.
* వరంగల్‌కు చెందిన త్యాగరాజ్ విలన్‌గా మంచి గుర్తింపు పొందారు.
* నటుడుగా, నిర్మాతగా శ్రీహరి పేరు తెచ్చుకున్న పేరు అంతాఇంతా కాదు.
* బాలీవుడ్‌లో పేరొందిన పైడి జయరాజ్, షర్మిలా ఠాగూర్, సుస్మితా సేన్, షబ్నా అజ్మీ, థియామీర్జా, తబూ హైదరాబాదీలే!
* తెలుగులో బాగా క్లిక్ అయిన మాధవి హైదరాబాద్‌లో జన్మించినదే!
* ఈ తరంలో పాపులర్ అయిన ముత్యాలముగ్గుసంగీత,అజిత్ కుమార్, వివేక్ ఒబెరాయ్, అదితీ రావు హైదరీ, నితిన్, విజయ్ దేవరకొండ, నిఖిల్ సిద్ధార్థ్, తాగుబోతు రమేష్, వేణుమాధవ్, శివారెడ్డి, వెన్నెల కిశోర్, ఉత్తేజ్, సంపూర్ణేశ్ బాబు, ఉదయభాను ప్రభృతులు తెలంగాణ వారే.
* సంగీత దర్శకులుగా మంచి గుర్తింపు పొందిన శంకర్ జై కిషన్, లత శంకర్, వందేమాతరం శ్రీనివాస్, చక్రి మన వారే.
* దర్శక నిర్మాతలుగా రాణించిన శ్యామ్ బెనిగల్, బి. నర్సింగ్‌రావు, సికింద్రాబాద్‌కి చెందినవారు. దర్శకలు కె.దశరథ, భరత్ పారేపల్లి, హరీష్ శంకర్, ఎస్.శంకర్, సంపత్‌నంది, సురేందర్‌రెడ్డి, నాగేష్ కుమార్, కబీర్ ఖాన్ క్కడి వారే.
* నిర్మాతలు దిల్ రాజు, మధుర శ్రీధర్ తెలంగాణవాసులే.
* డా. సి.నారాయణరెడ్డి, దాశరథి కృష్ణమాచార్య దాదాపుగా ఒకేసారి కెరీర్ ప్రారంభించారు.
* వడ్డేపల్లి కృష్ణ, గద్దర్, సుద్దాల అశోక్‌తేజ, చంద్రబోస్, వెనిగళ్ల రాంబాబు తమ పాటలతో అలరిస్తున్నారు.

Posted in Uncategorized | Leave a comment