GadarAda.1

·

My article in vahini TaGCA VARI TELUGU PATRIKA UGADI SAMCHIKA (వాహిని ,టిఏజిసిఏ వారి తెలుగు పత్రిక – 2018 ఉగాది సంచికలో నా వ్యాసం

Advertisements
Posted in Uncategorized | Leave a comment

Sridevi.3

·

My article in vahini TaGCA VARI TELUGU PATRIKA UGADI SAMCHIKA (వాహిని ,టిఏజిసిఏ వారి తెలుగు పత్రిక – 2018 ఉగాది సంచికలో నా వ్యాసం

Posted in Uncategorized | Leave a comment

Sridevi.2

·

My article in vahini TaGCA VARI TELUGU PATRIKA UGADI SAMCHIKA (వాహిని ,టిఏజిసిఏ వారి తెలుగు పత్రిక – 2018 ఉగాది సంచికలో నా వ్యాసం

Posted in Uncategorized | Leave a comment

Sridevio1

·

My article in vahini TaGCA VARI TELUGU PATRIKA UGADI SAMCHIKA (వాహిని ,టిఏజిసిఏ వారి తెలుగు పత్రిక – 2018 ఉగాది సంచికలో నా వ్యాసం

Posted in Uncategorized | Leave a comment

My article in Harivillu ManaTelangana 11-3-18 B,N.Reddy

దృశ్య కావ్యాల దర్శకుడు
అసభ్యత, అశ్లీలతకు తావులేకుండా సందేశాత్మక ప్రయోజనాత్మక చిత్రాలు రూపొందించాలనే తపన వున్న వ్యక్తి బి.ఎన్. రెడ్డి. ఈయన అసలు పేరు బొమ్మిరెడ్డి నరసింహారెడ్డి. దర్శక నిర్మాతగా తీసింది తక్కువ చిత్రాలే అయినా, దర్శకుడుగా బయట నిర్మాతలకు తక్కువ చిత్రాలే చేసినా కథలోగాని, సన్నివేశాల్లో గాని, సంభాషణల్లోగాని, సెట్స్, సెట్‌ప్రాపర్టీ విషయంలోగాని అణుమాత్రమైనా రాజీపడకుండా దృశ్యకావ్యాల్లాంటి చిత్రాలు రూపొందించారు. అందుకే అవి క్లాసిక్స్‌గా పేరు తెచ్చు కున్నాయి. విజయాపతాకాన పలు చిత్రా లు నిర్మించిన, విజయావాహినీ స్టూడి యో, విజయాగార్డెన్స్ అధినేత బి. నాగిరెడ్డికి అన్న బి.ఎన్.రెడ్డి. సినిమా ద్వారా ప్రేక్షకుడుకి నీతి, సందేశం అందకపోతే ఆ చిత్రం తీయాల్సిన అవసరం లేదు. దర్శక నిర్మాతలు సమాజానికి బాధ్యత వహించాలి కనుకనే తను ఈ అభిప్రాయానికి కట్టుబడి వుంటానని ఆయన అనేవారు.

కడప జిల్లా పులివెందుల తాలూకాలోని కొత్తపల్లి గ్రామంలో బొమ్మిరెడ్డి నరసింహారెడ్డి, ఎరుకలమ్మ దంపతులకు 16-11-1908న పెద్దకుమారుడుగా జన్మించారు నాగి రెడ్డి. కొండారెడ్డి, రామలింగారెడ్డి ఆ తరువాత జన్మించారు. తండ్రి మద్రాసులో ఉల్లిపాయల వ్యాపారం, కమీషన్ వ్యాపారం భారీగా విదేశాలతో నిర్వహిస్తుండేవారు. బి.ఎన్.రెడ్డికి మాత్రం చదువు మీద ఆసక్తి ఎక్కువ వుండేది. జి.డి.ఎ చదువు (చార్ట్‌ర్డ్ అక్కౌంటెన్సీతో సమానమైనది) పూర్తిచేసి తండ్రి వ్యాపారం ఇష్టపడక ఉద్యోగంలో చేరారు. చిన్నతనం నుంచి సాహిత్యం మీద రంగస్థలం మీద ఆసక్తివుండేది. చెన్నపురి ఆంధ్రమహాసభలకు తరచు హాజరౌతూ, అక్కడ జరిగే సాహితీ, సాంస్కృతిక కార్య క్రమల్లో కీలక బాధ్యతలు కూడా

నిర్వహించేవారు. ఇది తండ్రికి ఇష్టం వుండేది కాదు. అందుకే చేతికి అందివచ్చిన సాగిరెడ్డికి వ్యాపార బాధ్యతలు
అప్పగించినప్పుడు తండ్రి చేసిన పనికి సంతసించి తమ్ముడిని ఆశీర్వదించారు.

ఆంధ్రనాటక సంఘంలో సభ్యుడైన బి.ఎన్.రెడ్డి నాటకాల్లోనూ నటించేవారు. అలా అప్పుటి ప్రముఖ నటులు బళ్లారి రాఘవాచారి, స్థానం నరసింహారావు, వేమూరి గగ్గయ్య వంటిప్రముఖులతో గాఢస్నేహం వుండేది.వరవిక్రయం నాటకంలో బి.ఎన్.రెడ్డి పోషించిన పాత్ర చూసిన మహాత్మగాంధీ అభినందించడం విశేషమే. కలకత్తాలోని శాంతి నికేతన్‌లో
కొంత కాలం వుండటంతో కళలు, సాహిత్యంపై మరింత మక్కువ పెరిగింది. బెంగాలీ సాహిత్యం, బెంగాలీ నాటకాలపై ఆసక్తి పెరిగాక బొంబాయి వెళ్లి మరాఠీ, రంగస్థలంపై కూడా అవగహన ఏర్పరుచుకున్నారు. బర్మా సందర్శించినప్పుడు, అక్కడే చైనా ఒపేరాలు తిలకించి కళలపై మరింత అభిరుచిపెంపొందించుకున్నారు. ఈ ప్రభావం ఆయన రూపొందించిన సినిమాలపై వుండేది.

బి.ఎన్.కె.ప్రెస్‌ని కూడా నిర్వహించేవారు బి.ఎన్.రెడ్డి. గూడవల్లి రామబ్రహ్మం, చక్రపాణి తదితరులు ఆ రకంగా పరిచయం అయ్యారు. టాకీ పులిగా గుర్తింపు పొందిన హెచ్.ఎం.రెడ్డి చిత్ర నిర్మాణ ఫైనాన్స్ కోసం కొల్లావూర్ నుంచి మద్రాసు రావడంతో గూడవల్లి కూడా ప్రోత్సహించడంతో తండ్రి నుంచి పాతికవేలు తీసుకున్నారు. నటి కన్నాంబ కూడా భాగస్వాములయ్యారు. ఆరోజుల్లో రంగూన్ రౌడీ నాటకం బహుళ ప్రజాదరణ పొందిన, సామాజిక ప్రయోజనం వున్నదిగా గుర్తింపు పొందింది. మద్యపాన వ్యసనం, అందమైన భార్యవున్నా పరాయి స్త్రీపై మోజుపడటం, భార్యాభర్తల మధ్య సయోధ్యలేకపోవడం, మహిళలను కించపరచడం, భార్యని రకరకాలుగా హింసించే భర్త వంటి అంశాలతో ఈ నాటకం వుండేది. టైటిల్‌ని గృహలక్ష్మిగా పెట్టి హెచ్.ఎం.రెడ్డి దర్శకత్వంలో ఈ చిత్రం రూపొందించారు.

కన్నాంబ, కాంచనమాల, రామానుజాచారి ముఖ్య పాత్రలు పోషించిన ఈ చిత్రం ద్వారానే నాగయ్య ఒక మంచి పాత్రలో సినీనటుడుగా పరిచయం అయ్యారు. గృహలక్ష్మి విడుదలై ఘనవిజయం సాధించింది. మద్రాసులోని కార్తికేయ స్టూడియోలో షూటింగ్ జరుపుకుంది. హెచ్.ఎం.రెడ్డితో కొన్ని అంశాల్లో విబేధించిన బి.ఎన్.రెడ్డి తన అభిరుచితో మంచి చిత్రాలు రూపొందించాలని తలచి, రోహిణీ నుంచి విడిపోయి వాహినీ పిక్చర్స్ సంస్థని నెలకొల్పారు. టెక్నిషియన్స్‌గా గుర్తింపు పొందిన కె.రామనాథ్, ఎ.కె.శేఖర్, నటులు నాగయ్య, ముదిగొండ లింగమూర్తి, క్యాషియర్ కె.వి.రెడ్డి పూర్తి సహకారం అందించడంతో పాటు కె.రామ్‌నాధ్ ఒత్తిడి చేయడంతో వందేమాతరం చిత్రాన్ని తొలుత దర్శకత్వం వహిస్తూ రూపొందించారు. కాంచనమాల, నాగయ్య, ముదిగొండ లింగమూర్తి, దొరైస్వామి, కళ్యాణీ, శేషుమాంబ ముఖ్య పాత్రలు పోషించిన ఈ చిత్రం 1939లో హిట్ కావడమే కాకుండా నాగయ్యను స్టార్‌ని చేసింది. పలు కేంద్రాల్లో రజతోత్సవాలు జరుపుకుంది. ఆంధ్ర, తమిళనాడు, కేరళ, మైసూర్ ప్రాంతాల్లోని ప్రేక్షకుల ఆదరణ అద్భుతంగా లభించింది.

బాల్యవివాహాలను నిరసిస్తూ, విధవా పునర్వివాహాలను సమర్ధిస్తూ ముక్కోణ ప్రేమకథా చిత్రంగా వాహినీ పతాకాన సుమంగళి ద్వితీయ చిత్రంగా బి.ఎన్.రెడ్డి దర్శకత్వంలో రూపొందించింది. నాగయ్య, గిరి, లింగమూర్తి, గౌరీపతి శాస్త్రి, కుమారి మాలతి, పార్వతీబాయి ముఖ్య పాత్రధారులు. తృతీయ చిత్రంగా దేవత బి.ఎన్.రెడ్డి దర్శకత్వంలో రూపొందించి కుమారి, టంగుటూరి సూర్యకుమారి, సి.హెచ్. నారాయణ రావు, లింగమూర్తి ముఖ్యపాత్రలు ధరించిన ఈ చిత్రం 1941లో ఘన విజయం సాధించి, రజతోత్సవాలు జరుపుకుంది. అయిదవ చిత్రంగా భానుమతి, నాగయ్య, జయమ్మ, లింగమూర్తి, సి.హెచ్. నారాయణ రావులతో స్వర్ణసీమ రూపొందించారు. 1946లో విడుదలై నాలుగు రాష్ట్రాల్లో ఘనవిజయం సాధించింది. అంతర్జాతీయ చలన చిత్రోత్సవంలో వియత్నాంలో ప్రదర్శితమై ప్రశంసలు పొందింది.

దేవులపల్లికృష్ణశాస్త్రిని సినీ రచయతగా చేయాలని అయిదు సంవత్సరాలు ప్రయత్నించి తీసిన మల్లీశ్వరి ఎంతో ఘనవిజయం సాధించింది. ఎన్.టి.ఆర్, భానుమతి ముఖ్య పాత్రధారులుగా 1951లో విడుదలైంది. ఎస్.వి.ఆర్, జగ్గయ్య, కృష్ణకుమారి, జమున ప్రభృతులతో రూపొందించిన బంగారు పాప 1955లో విడుదలై ప్రశంసలు పొందింది. లండన్ ఫిలిం ఫెస్ట్‌వల్‌లో కూడా ప్రదర్శితమైంది. ఎస్.వి.ఆర్ కి మంచి పేరు తెచ్చిన ఈ చిత్రాన్ని తొలిసారి దేవకీ బోస్ బెంగాలీ చిత్రంగా తర్వాత తీసారు. వాహినీ పతాకాన ఎన్.టి.ఆర్, రాజసులోచన, రాజనాల, గుమ్మడిలతో తెలుగు, తమిళ భాషల్లో బి.ఎన్.రెడ్డి దర్శకత్వంలోరాజమకుటం రూపొందింది.
చంద్రమోహన్‌ని పరిచయం చేస్తూ వాహినీ పతాకాన రూపొందించిన రంగుల రాట్నం చిత్రం 1966లో విడుదలై మంచి పేరు తెచ్చింది. ఆ తరువాత వాహినీ పతాకాన రూపొందిన బంగారు పంజరం మంచి చిత్రం అనిపించుకున్నా విజయం సాధించలేదు. బయట సంస్థలు తీసిన భాగ్యరేఖ, పూజాఫలం, చిత్రాలకు బి.ఎన్.రెడ్డి దర్శకత్వం వహించారు.

కె.వి.రెడ్డి దర్శకత్వంలో నాగయ్యను భక్త పోతనగా చూపిస్తూ వాహినీ సంస్థ తీసిన చిత్రానికి వచ్చిన పేరు ప్రతిష్టలు అంతాఇంతా కాదు. 1942లో విడుదలైన ఈ చిత్రంలో జంధ్యాల గౌరీనాధ శాస్త్రి, లింగమూర్తి, సి.హెచ్. నారాయణరావు ముఖ్య పాత్రధారులు

బి.ఎన్.రెడ్డి ప్రతి అంశమూ ఒకటికి పదిసార్లు ఆలోచిస్తారు కనుక ఆయన దర్శకత్వంలో నటించాలంటే, సన్నివేశాలు పూర్తి కావాలంటే చాలా ఓపిక, సహనం వుండాలని తను నటుడైనా ఇలా నటించాలని చెప్పేవారు కాదని భానుమతి, నాగయ్య, లింగమూర్తి ప్రభృతులు అనేవారు. అంతేకాదు ఆయన తీసిన చిత్రాలకు సెన్సార్ కట్ ఒకటి కూడా పడక పోవడం విశేషం. సినీరంగంలోని ఆర్టిస్టులు, టెక్నీషియన్లులో అవగాహన, విజ్ఞానం పెంపొందాలంటే పుస్తకాలు ఎక్కువగా చదవాలని, అర్థం కాకపోతే మళ్లీ మళ్లీ చదవాలని, ఇతర భాషా చిత్రాలు చూడాలని బి.ఎన్.రెడ్డి చెప్పేవారు. వాహినీలో పనిచేసే వారిలో తారతమ్యాలు వుండకూడదని, కలసికట్టుగా వుండాలని చెబుతూ అది ఆచరణలో పెట్టించేవారు. లైట్‌బాయి నుంచి దర్శకుడు వరకు ఒకే రకమైన భోజనం ఏర్పాటు చేయడమే కాక అందరూ కలసి తినే పద్ధతి అమలుచేసేవారు. ఆంధ్రపత్రిక సంపాదకుడు కాశీనాథుని నాగేశ్వరావు శిష్యుడుగా పేరు తెచ్చుకున్నారు. పాత్ర చిన్నదైనా వైవిధ్యం వుంటే అంగీకరించి చేస్తేనే సామర్ధం బయట పడుతుందని చెప్పేవారు. అంగీకరింపజేసి నటింపజేసేవారు. చిత్ర రంగంలో ఒకరిని మరొకరు బ్రదర్ అని పిలవడం ఈయన ద్వారానే ప్రారంభమైంది.

దర్శకుడు, నిర్మాత సినిమాకు రెండు కళ్లు. అందుకే నిర్మాత, దర్శకుడు ఒకరే అయి చిత్రాలు చేస్తే ఫలితం బాగావుండే అవకాశం వుంది. నిర్మాత ఒకరు, దర్శకుడు ఒకరు అయితే ఒకరి భావం ఒకరికి నచ్చకపోతే అనుకున్నది అనుకున్నట్టుగా రాదు. మనకు రియల్ ప్రొడ్యూసర్లు లేరు. రిప్రొడ్యూసర్లే వున్నారు అనే వారు. నటీనటులు సన్నివేశంలో తాదాత్మం చెంది చక్కని నటన ప్రదర్శిస్తుంటే తనూ మమేకమైపోయి కట్ చెప్పడం మరిచి
పోతూ వుండేవారు. బి.ఎన్.రెడ్డి ఆలోచనలు, ఆయన తీసిన సినిమాల కారణంగా సినిమా వారిని చిన్న చూపు చూసే రోజుల్లోనే మేధావిగా గుర్తించి ఆయనను దేశవ్యాప్తంగా గౌరవించడం విశేషం. తెలుగు వారిలో తొలుత పద్మభూషణ్ అవార్డు అందుకున్న వానిగా, దాదా ఫాల్కే అవార్డు 1974లో అందుకున్న తొలి దక్షిణ భారతదేశానికి చెందిన వ్యక్తిగా బి.ఎన్.రెడ్డికి గుర్తింపు వుంది. అంతేకాదు డాక్టర్ ఆఫ్ లెటర్స్ స్వీకరించిన తొలి భారతీయ సినీ ప్రముఖుడు.. రాజీపడని వ్యక్తిగా గుర్తింపు పొందిన బి.ఎన్. రెడ్ది 8-11-77న మృతి చెందారు.

Image may contain: 1 person, eyeglasses

Posted in Uncategorized | Leave a comment

My article in Harivillu,ManaTelangana 25- 2-18 బాలకృష్ణ

My article in Harivillu,ManaTelangana 25-2-18
నవ్వు కదలికలతో నవ్వించిన నటుడు
సన్నగా బక్కపలచిన శరీరంతో, రకరకాలుగా మెలికలు తిరిగి పోతూ, ప్రత్యేక పద్ధతిలో నవ్వుతూ, సంభాషణ పలకడంతో, పలికే విధానంలో హాస్యం గుమ్మరించే ప్రత్యేక శైలి బాలకృష్ణది. బాలకృష్ణకు బాగా అతికిన పేరు, అందరికీ గుర్తుండి పోయే పేరు అంజిగాడు. అంజిగాడు ఎవరో గుర్తొచ్చాడా ? పాతాళభైరవిలో హీరో తోటరాముడు (ఎన్.టి.ఆర్) మిత్రుడు. ఆ చిత్రంలోని విలన్ మాంత్రికుడు ఎస్.వి.రంగారావు శిష్యుడు.’మోసం గురో’ అని అరిచే డింగరి పాత్రధారి పద్మనాభంకి శత్రువు అయిన వాడు. అంతే కాదు కాంతారావు హీరోగా నటించిన గురువును మించిన శిష్యుడులో ‘బలె బలె హిరణ్యకశపునిరా నిన్ను ఇరుచుకు తింటనురా, నరసింహ స్వామినిరా నిన్ను నంచుకు తింటనురా…… ‘అంటూ పాటతో ఆకట్టుకున్నవాడు కూడా. ఇలా చాలా చిత్రాలతో మంచి టైమింగ్‌తో హాస్యాన్ని రంగరించడంతో తరువాత తరంలో హాస్యం పండించిన రాజబాబుకు మార్గదర్శి అయ్యాడు కూడా.

చిన్న తనం నుంచే నాటకాలు చూస్తుండంటంతో నాటకాల పిచ్చోడు అయ్యాడు వల్లూరి బాలకృష్ణ. దాంతో చదువుకు ఎగనామం పెట్టి నాటకాల కంపెనీల చుట్టూ తిరిగేవాడు. రంగస్థల నటీనటులను పరిశీలిస్తూ, నటనను ఒంట బట్టించుకుంటూ మిమిక్రీ చేయడం కూడా నేర్చుకున్నాడు. తరువాత సినిమా పిచ్చోడుగా మారి కలకత్తాలో సినిమాలు తీస్తున్నారని తెలుసుకుని రైలెక్కి కలకత్తా చేరుకున్నాడు. అక్కడ సినిమాలు తీసేవారి చుట్టూ, నాటకాలు వేసేవారి చుట్టూ తిరుగుతూ తన బక్కపలచని శరీరాన్ని అష్టవంకర్లు తిప్పుతూ, ప్రత్యేక తరహాలో నవ్వుతూ ఆకట్టుకున్నాడు. అప్పట్ల్లో ప్రముఖ రంగస్థల నటులైన మాధవపెద్ది వెంకట్రామయ్య, యాడవల్లి లక్ష్మయ్య, సురభి కమాలాబాయితో డి.జె.గునే దర్శకత్వంలో వెంకటనారాయణ నిర్మించిన విజయదశమి చిత్రంలో సినీ రంగ ప్రవేశం చేసాడు. ఈ చిత్రానికి కీచక వధ అని కూడా పేరుండేది. 14-1-1937లో ఈ సిన్మా విడుదలైంది. సురభి కమలాబాయికి మాధవ పెద్దకి మంచి పేరు తెచ్చింది. సినిమా ప్రయత్నాలు
చేస్తూ హిందీ చిత్రాల్లోనూ నటిస్తూ కలకత్తాలో ప్రదర్శంచే తెలుగు నాటకాల్లోనూ చిన్న పాత్రలు చేసేవాడు. ఆ తరువాత ఆంధ్ర దేశం చేరుకుని పువ్వుల సూరి బాబు నటించే తారాశశాంకం నాటకంలో హాస్య ద్వయం లంబు జంబుల్లో ఒకడిగా నటించి పేరు తెచ్చుకున్నాడు. ఇక హాస్య పాత్రలే లభించేవి. తారాశశాంకంని శోభన్‌బాబు దేవికలతో మానాపురం అప్పారావు దర్శకత్వంలో సినిమాగా తీసి 1969లో విడుదల చేస్తే అందులో జంబుగా బాలకృష్ణ, లంబుగా అల్లు రామలింగయ్య నటించి తమ హాస్యంతో ప్రేక్షకులను అలరించారు.

తారా శశాంకం నాటకం చూసిన దర్శకుడు కె.వి.రెడ్డికి బాలకృష్ణ ప్రదర్శించిన హాస్య, వికారపు వింతనవ్వు ఆకర్షించి, పాతాళ
భైరవిలో అంజిగాడు పాత్రయిచ్చి ఆ తరహాలోనే నవ్వమని, అష్టవంకరలు పోతూ నటించమని సూచించారని, ఆ నటనే విజయా సంస్థలో బాలకృష్ణను పెర్మనెంట్ ఆర్టిస్టుగా నెలసరి జీతం వచ్చే ఏర్పాటు చేయించిందని ప్రముఖ జర్నలిస్టు, నటుడు, ప్రముఖ రచయిత రావి కొండల రావు ఉదహరించేవారు. జానపద బ్రహ్మగా గుర్తింపు పొందిన దర్శకుడు విఠలాచార్య చిత్రాలలోను తప్పనిసరిగా వేషాలు బాలకృష్ణకీ లభించడానికి కారణం కూడా ఈ నటన, హాస్యం, నవ్వే అని ఆయన పేర్కొంటూంటారు. అంజిగాడు పాత్రకు పాతాళభైరవిలో ఎప్పుడు ఎప్పుడు ఎలా నవ్వాలో, ఎక్కడెక్కడ ఎలా నటించాలో రిహార్సిల్స్ చేసేటప్పుడు కె.వి.రెడ్డి గారు చెప్పి చేయించడంతోనే అంజిగాడుగా అందరికీ గుర్తుండిపోయాను అని బాలకృష్ణ రావి కొండలరావుతో తరచు చెప్పేవారట.

రంగస్థల నటుడుగా నాటక ప్రదర్శనకు వివిధ ఊళ్ళు వెళ్లేటప్పుడు ఆవూళ్లలో వుండే వాళ్ళు మాట్లాడుకునే యాసను పట్టేసే లక్షణం ఎక్కువగా వుండేది. దానికితోడు మిమిక్రీ కూడా చేతనవడంతో అక్కడ వాళ్లను ఇట్టే ఆకట్టుకుని వాళ్లలో కలిసిపోయేవాడు. విశాఖపట్టణం యాస, శ్రీకాకుళం యాస, ఉభయగోదావరి జిల్లాల యాస, నెల్లూరు, గుంటూరు యాస తెలంగాణ యాస ఇలా అన్నిటినీ తనలోవంట బట్టించు కున్నాడు బాలకృష్ణ.ఏ యాసలో కావాలంటే ఆయాసలో డైలాగులు చెబుతూ, శరీరాన్ని అష్టవంకర్లు తిప్పుతూ, ముఖంలోనూ, నడకలోనూ, చేతల్లోనూ వివిధ భావాలు ప్రస్ఫుటింప చేస్తూ హాస్యంతో అలరించేవాడు.

చిన్న ఇల్లు, ఏడుగురు ఆడపిల్లలు వరసగా, ఓ చిన్న కా రు
వుండేవి. సినిమాల్లో వచ్చే ఈ ఆదాయంతో వీళ్లందరికీ పెళ్లిళ్లు చేసి అత్తారిళ్లకు ఎలా సాగనంపుతానో కదా అని తనలో తాను అనుకుంటూ సన్నిహితులతో తన వేదనని పెదవుల మీద నుంచే నవ్వుతూ పంచుకునేవాడు.

మాయాబజార్ చిత్రంలో సారధిగా మిగతా హాస్యనటులతో కౌరవులను ఆహానిస్తూ దయచేయండి దయచేయండి తమంత వారిక లేరండీ…. పాటలో నవ్వులు పూయించాడు. మిస్సమ్మ చిత్రంలో డిటెక్టివ్ రాజుననే అక్కినేని అసిస్టెంట్‌గా, గుండమ్మ కథలో హోటల్ సర్వర్‌గా, దొంగరాముడులో వంట వాడిగా, పెళ్లిచేసి చూడులో సింహాద్రిగా, దేవత చిత్రంలో సినీ నిర్మాతగా శ్రీ వెంకటేశ్వర మహాత్యంలో వకుళాదేవి శిష్యుడుగా, శ్రీనివాసుడుగా నటించిన ఎన్.టి.ఆర్ స్నేహితుడు అనంతగా, పాండురంగ మహాత్యంలో రామదాసుగా, వినాయక చవితిలో వసంతుడుగా నటించి ప్రేక్షకులను తనివి తీరా నవ్వించాడు. బాలకృష్ణలా ప్రత్యేకంగా నవ్వడానికి, వెకిలిగా నవ్వి ఇతరులను నవ్వించడానికి ఆ రోజుల్లో చాలామంది ప్రయత్నించే వారు.

అగ్గిదొరలో కాంతారావు మిత్రుడు సారంగుడుగా వినాయకుడు మీద గొడుగు చూసి అందులో ఏముంది తాటాకు వెదురు బొంగు అంతేగా అని దాన్ని పట్టుకుని ఎగిరిపోతూ చూపిన నటన, ఇంద్రలోకం అనుకుని యువతుల బారిన పడి తప్పించు
కోడానికి ఆయాస పడటం, వాళ్లతో గుంజీలు తీయించడంలో నవ్వులు పూయించాడు. సువర్ణ సుందరి చిత్రంలో రేలంగి, రమణారెడ్డితో కలసి అక్కినేనిని మోసం చేసే సన్నివేశాల్లో హాస్యంతో బాటు విలనిజమూ పండించారు. గురువుని మించిన శిష్యుడులో కాంతారావు తమ్ముడుగా యువరాజు పాత్రలో భూతాన్ని వదిలించడానికి ఒక పాట పాడే సన్నివేశాల్లోనూ మెప్పించాడు.

నవగ్రహ పూజామహిమలో అవకాశవాదిని ముప్పుతిప్పలు పెట్టి బుద్ధి వచ్చేలా చేసిన నౌకరుగా మంచి హాస్యం ప్రదర్శించాడు. ఆడపెత్తనం, పెళ్తినాటి ప్రమాణాలు, చిట్టి చెల్లెలు, కలసివుంటే కలదు సుఖం మున్నగు సాంఘిక చిత్రాలలో, లక్ష్మీ కటాక్షం, ప్రతిజ్ఞాపాలన, అగ్గివీరుడు, పిడుగు రాముడు, జ్వాలాద్వీప రహస్యం, మదన కామరాజు కథ, పరమానందయ్య శిష్యుల కథ వంటి జానపద చిత్రాలలో, శ్రీ కృష్ణతూలాభారం, శ్రీ కృష్ణ విజయం, నర్తన శాల మున్నగు పౌరాణిక చిత్రాలలో, బొబ్బిలి యుద్ధం, భట్టి విక్రమార్క వంటి చారిత్రక చిత్రాలలో ఇలా వందకు పైన చిత్రాలలో పొట్ట చెక్కలయ్యేలానే కాకుండా, కరుణ ప్రధానంగాను, అమాయకత్వం, వెర్రి బాగులతనం ఉట్టిపడేలాను నటించిన విలక్షణ హాస్య నటుడు బాలకృష్ణ. తన పుట్టిన రోజునాడు నటులను సన్మానించాలని నిర్ణయించుకున్న ప్రముఖ హాస్యనటుడు, నిర్మాత రాజబాబు ”తన నటనకు ప్రేరణ బాలకృష్ణ ” అని అంటూ తొలి సన్మానం బాలకృష్ణకే అపూర్వంగా చేసాడు. చిన్న చిన్న డైలాగ్స్‌తో పెద్ద పెద్ద భావాలు పలికిస్తూ శరీరాన్ని అష్టవంకర్లు పోయేలా చేస్తూ హాస్యరసపోషణలో దిట్ట అనిపించుకున్నాడు అంజిగాడుగా పాపులర్ అయిన బాలకృష్ణ…..

Image may contain: 3 people, people smiling, tree and outdoor
Image may contain: 1 person

Posted in Uncategorized | Leave a comment

My article in Harivillu,ManaTelangana 18 -2-2018:అనుష్క

అందం, అభినయాలకు దర్పణం
హీరోయిన్ ఓరియెంటెడ్ చిత్రం భాగమతి ఈ జనవరిలో విడుదలై విజయం సాధించడంతో 2018 ప్రారంభం కావడం విశేషం. లేడీ ఓరియెంటెడ్ చిత్రాలు ఈ ఏడాది ఈ ఊపుతో ఎన్ని వస్తాయో!! అనుష్క టైటిట్ పాత్ర పోషించిన’ భాగమతి’ యు.ఎస్ మార్కెట్‌ల్లో ఒక మిలియన్ డాలర్లు గ్రాస్ కలెక్షన్ చేసి యు.ఎస్.ఎ బాక్స్ ఆఫీస్‌లో ద్వితీయ భారతీయ కథానాయిక అయింది. ఇదే కలెక్షన్‌తో శ్రీదేవి ‘ఇంగ్లీష్ వింగ్లీష్ ‘చిత్రం ద్వారా 2012లో భారతీయ తొలి కథానాయికగా స్థానం దక్కించుకుంది. గ్లామర్ ప్రదర్శన ద్వారా తొలి దశలో ఆకట్టుకుంటూ క్రమ
క్రమంగా నటనను అందంగా అలవోకగా ప్రదర్శించే ప్రయత్నం చేసి తెలుగు , తమిళ చిత్ర సీమలను, తెలుగు, తమిళ ప్రేక్షకలోకాలను తన అభిమానులుగా మార్చుకుని తన నవ్వుతో, అందంతో, ఒంపు సొంపులతో తుళ్లిపడేలా చేసిందీ ఈ తుళుసుందరి స్వీటీషెట్టీ. తొలి చిత్రం సూపర్‌లో 2005లో కెమెరాముందు హావభావాలను ప్రకటించే విషయంలో ఏం చేయలో ఎలా చేయాలో తెలియక భయపడుతూ చిత్రసీమ నుంచి పారిపోదామని తలచిన ఆమెయేనా ఈమె అని అనుష్కని ఆ రోజుల్లో చూసిన వారు ఇప్పుడు ఆమె సాధించిన పరిణతి చూసి ఆశ్చర్యపోవడం విశేషమే!!

తుళు మాతృభాషగా గల పుఫుల్ల, విఠల్ శెట్టి దంపతులకు మంగళూరులో 1981 నవంబర్, 7న జన్మించినప్పుడు పెట్టిన పేరు స్వీటీ శెట్టి. ఇంట్లో ముద్దుగా మాక్ అని పిలుస్తారు. సినీ నేపథ్యంలేని, సినిమాలు చూడటానికి ఇష్టపడని డాక్టర్లు, ఇంజనీర్లు, సైంటిస్టుల కుటుంబం నుంచి వచ్చిన స్వీటీ బెంగళూరులో ఎం.సి.ఎ డిగ్రీ తీసుకుంది. యోగా మీద ఆసక్తి పెరగడంతో భరత్ ఠాకూర్ వద్ద యోగా లో శిక్షణ పొంది ముంబయిలో యోగా టీచర్‌గా పని చేస్తూండేది. భరత్ ఠాకూర్ దగ్గరకి వచ్చే శూల్ చిత్ర దర్శకుడు ఇ.నివాస్ సూచనతో పూరి జగన్నాథ్‌ని కలవడంతో నాగార్జున హీరోగా నటించిన సూపర్‌లో ఒక నాయికగా పరిచయమయింది.

ఈ చిత్రంలో ముక్కుకి తగిలించిన రింగు ద్వారా అనుష్క సెక్సీగా, ఆధునిక యువతిగా కనిపించి ఆకట్టుకుంది. ద్వితీయ చిత్రం మహానంది లో శ్రీహరి చెల్లెలు నందిని గా నటించి అందంతో అలరించింది. తృతీయ చిత్రం విక్రమార్కుడు రాజమౌళి దర్శకత్వంలో రవితేజ సరసన నీరజ గోస్వామిగా నటించే అవకాశం రావడంతో నటిగా ఆమె పంట పండింది. మాస్ టచ్ వున్న నాయికగా కనిపించి రవితేజతో ప్రణయ సన్నివేశాల్లో మెరవడంతో స్టార్ అయిపోయింది. సుందర్ సి దర్శకత్వంలో మాధవన్‌కి నాయికగా’ రెండు’ చిత్రంతో తమిళంలోకి 2006లో పరిచయమైంది. ఆ చిత్రంతో తమిళ ప్రేక్షకులను అలరించింది.

విక్రమార్కుడులో నటిస్తున్నప్పుడే అనుష్క పెర్సనాల్టీ గుర్తించి ‘అరుంధతి’ చిత్ర నాయికగా శ్యాంప్రసాద్ రెడ్డి, కోడిరామకృష్ణ ఎంపిక చేయడంతో అరుంధతిగా, జేజెమ్మగా రికార్డు నెలకొ ల్పింది. తెలుగు చిత్రసీమలో అరుంధతి ఒక గొప్ప చిత్రంగా, ప్రత్యేక చిత్రంగా నిలచిపోవడమే కాక, అనుష్కకు ప్రత్యేక స్థానం ఏర్పరిచింది. జేజమ్మగా పన్నెండు కిలోల బరువుండే జ్యూవేలరీ ఆభరణాలు ధరించడం – అలా ధరించినప్పుడు ఒంటికి అయిన గాయాలు ఆమెకు తీపి జ్ఞాపకాలు. అంతే కాదు క్లయిమాక్స్ సీన్స్‌లో, డ్రమ్ డాన్స్ సీన్స్‌లో నటించినప్పుడు చాలా ఒత్తిడికి గురి అయినా తరువాత అది తరువాత ఆనందాన్ని అందిం
చిందంటుంది. డ్రమ్‌డ్యాన్స్ చిత్రీకరణ పూర్తి కావడానికి 45 రోజుల పైనే పట్టిందని, ఆ షూటింగ్ లో కళ్లు తిరిగి పడిపోవడం కూడా మరుపురాని సంఘటనే అంటుంది.

అరుంధతి చిత్రం తర్వాత హీరోయిన్ ఓరియెంటెడ్ చిత్రా
లకు లేడీ ఓరియెంటెడ్ సిన్మాలకు సూటబుల్ నటి అనుష్కయే అనిపించుకుంది. అంతేకాదు గత పదమూడు సంవత్సరాల్లో తెలుగు చిత్రసీమలో ప్రవేశించిన హీరోయిన్ల లోఅద్భుత సౌందర్యం అనుష్కదే అనిపించుకుంది.

జీవితం మీద, జీవన సరళిమీద నిర్లక్షంగల దానిగా సంఘం గురించి సరిగా తెలియని అమాయకత్వంగల దానిగా, అమలాపురం సరోజ పాత్ర వేదం చిత్రంలో అద్భుతంగా పోషించింది. సంభాషణ పలకడం (డబ్బింగ్ చెప్పింది వేరేవారైనా)లో నిర్లక్షభావం చూపడంతో, కళ్లలో జాణతనం చూపడంతో ప్రత్యేకత చూపింది. ఆ పాత్రని క్రిష్ చేయించడం నిజంగా తన అదృష్టమని నమ్ముతుంది.సముద్ర దర్శకత్వంలో మేకప్‌మెన్ చంద్ర నిర్మించిన పంచాక్షరిలో పంచాక్షరిగా, హనీగా నటించింది. ఫ్యాషన్ డిజైనర్ పాత్రలో మెప్పించింది. నాగార్జున మేకప్‌మెన్ చంద్ర సూపర్‌తో తొలిసారి స్వీటీకి మేకప్ వేస్తూ నువ్వు చాలా పెద్ద హీరోయిన్‌వి అవుతావు. నేను నిర్మాతగా మారినప్పుడు కాల్షీట్లు ఇస్తే నీతో మహిళ ప్రధాన ఇతి వృత్తంగల చిత్రం తీస్తాను అన్నారట. మీరన్నది నిజం అయితే మీ చిత్రంలో ఫ్రీగా నటిస్తాను అని జవాబు యిచ్చి ఆ మాట నిలబెట్టుకుంది.

ఖలేజాలో మహేష్ బాబు సరసన సుబ్బలక్ష్మి పాత్రలో ధనవంతురాలిననే అహం, అతిశయంతో బాటు అవకాశం వచ్చినప్పుడు రెచ్చిపోతూ మెప్పించింది. కొరటాల శివ దర్శకత్వంలో ప్రభాస్‌కి నాయికగా మిర్చి చిత్రంలో పల్లెటూరి అల్లరి పిల్లగా మెప్పించింది. అనుష్కను తీర్చిదిద్దిన విధానం ఆమెతో చిత్రీకరించిన పాటలు అలరించాయి. రుద్రమదేవి టైటిల్ పాత్రపోషణలో మంచి నేర్పు చూపింది. రాణి అంటే ఇలాగే వుండాలనిపించేలా కనిపించింది. స్త్రీననే విషయం బయట పడనీయకుండా వివిధ కవచాలు ధరించి, ప్రజలకోసమే ఆలోచించే రుద్రమదేవిగా మెప్పించింది.నటిగా మంచి రాణింపు దశలో వున్న సమయంలో సైజ్ జీరో చిత్రాన్ని అంగీకరించి, ఆ చిత్రం కోసం అధికంగా బరువు పెరిగిన అనుష్క సౌందర్య పాత్రలో తెలుగులోనూ, తమిళంలోనూ తన నటనలోని విశిష్ఠతను వివరించింది.ఆ చిత్రం తర్వాత బరువు తగ్గి యథాస్థితికి చేరుకోడానికి కష్టపడింది.
బాహుబలి చిత్రాల సీక్వెల్ ద్వారా అనుష్క స్థాయి మరింత పెరిగింది. అంతే కాదు అద్భుత సౌందర్య రాశి, వీరోచిత మహిళ అని బాహుబలి 2లో రుజువు చేసింది.

అలా అనుష్క తెలుగు, తమిళ భాషల్లో రూపొందిన ద్విభాషా చిత్రాలతోబాటు ఇప్పటివరకు 51చిత్రాలలో అంటే తెలుగులో 33, తమిళంలో18 చిత్రల్లో నటించింది.గౌతమ్ మీనన్ దర్శకత్వంలో తెలుగు, తమిళ, కన్నడ, మాలయాళ భాషల్లో రూపొందే మల్టీస్టారర్ చిత్రంలో నటించడానికి అంగీకరించింది.

తెలుపు, నలుపు రంగులంటే ఇష్టం. నగలు పెట్టుకోవడం అంత ఇష్టం వుండదు. అయితే గజ్జెలు వుండే పట్టీలు ఇష్టం. కాకపోతే అబ్బాయిలు ఏడిపించారని మానేసింది. అయితే పెళ్లిళ్లకు, ఇతర కార్యక్రమాలకు ఖచ్చితంగా ధరించి వెడుతూండేది. చీర కట్టుకుంటే సౌకర్యవంతంగా వుంటుందంటుంది. సాధారణంగా జీన్స్, టీషర్ట్ ధరిస్తుంది. సెల్వార్, కమీజ్ ధరిస్తే హాయిగా వుంటుందట. షూటింగులో వున్నప్పుడు యానిట్ సభ్యుల ఇష్టాయిష్టాలు తెలుసుకుని, ఆ వంటకాలు ప్రత్యేకంగా తెప్పించి స్వయంగా వడ్డించడంలో ఆనందం పొందుతుంది.ఇది తన తల్లి ద్వారా సంక్రమించిందని అంటుంది. అంతేకాదు యూనిట్‌లో అందరిని నవ్వుతూ పలకరిస్తూ సభ్యులకు మంచి మంచి బహుమతులు అందజేస్తూ వారి ముఖాల్లో కనిపించే ఆనందం చూసి ఉద్వేగం చెందే అలవాటు కూడా అనుష్కకు వుంది. కళ్లను గమనిస్తూ మాట్లాడే అలవాటున్న అనుష్క నల్లకళ్ల జోడు పెట్టుకుని వచ్చిన వాళ్లు మాట్లాడినా కళ్లజోడు తీసేవరకు జవాబు ఇవ్వదు. చిన్నపిల్లలతో ఆడుకోవడం సరదా. ప్రకృతితో గడపడానికి ఇష్టపడుతుంది. ఓర్పుతో, ఆత్మవిశ్వాసంతో, కష్టపడి సాధించాలనే తత్వంతో సాగుతోంది అనుష్క జీవనయానం.

Image may contain: 3 people, people smiling, people sitting

Posted in Uncategorized | Leave a comment